تبين عطرك يدوم اسبوع وكلن يسالك وش عطرك

ابي اعلمكم على طريقة تعطيري لنفسي والله ثم والله ان كلن يسالني على ريحتي والله اهل زوجي يدقون علي يقولون وش عطرك الي انتي تستخدمينه قعد بمجلسنا اسبوع عاد انا وخرو عني كبر راسي من نحاستي ماعلمتهم لاني لما اسالهم مايعلموني وخواتي المتزوجات يقولن لاااعرسو بناتنا مايتقضالهم الا انتي وفعلا انا تقضيت لوحده فيهم وزوجها اول متزوجها بعد ماصار الاخ يمون يقولها مشالله عطوراتك خيال من الي تقضالك قالت انا الي مو انا <<<قابلوني اذا فهمتو بس ماحبيت ابخل على حبيبات قلبي بنات حواء

المهم
طبعا بشرح الطريقه وانتم سووها وقابلوني اذا ماثبتت الريحه طبعا بعض الطرق ماخذتها من المنتدى

اولا قبل ماسبح اكون مجهزة لبسي وجلال الصلاة وملابسي الداخليه ومبخرتي وجمري وقارورة موي شرب اقطر فيها قطرات من المخمريه واخضها زين طبعا لاقضيت من السبوح اكب القاروره على راسي واخليه يوصل للجذوا لاصبيتها اصب شي شوي عشان يتغلغل كل الشعر

بعدين البس الفوطه واطلع واخذ قطن واكون مقطره عليه من المسك السايل الخاص للمنطقه الحساسه وادهنه بدون ماادخل شي انتم فاهمين قصدي بعدين احط بالفوط اليوميه شوي من موية الورد والبسها مع الكلوت اقوم ادهن جسمي بااي كريم بدي حلو واحيانا ادهن بخلطه اخذتها من المنتدى هنا ناسيه اسم صاحبة الموضوع خلطة المسك مع البيبي جونسون اتعب اقول خيال
اقوم البس لبسي واجيب المبخره واخليها تحتي والبس جلال الصلاة كاني بصلي واحط المبخره تحتي واتبخر وانا خلال ماتبخر ارش عطر فرنسي عشان تثبت الريحه اكثر طيب بتسالوني تقولون ليش تتبخرين بجلال الصلاة اقولكم عشان البخور يوصل لشعر والجسم اكثر من العباة ومايعور عيوني واحيانا اذا انا معزومه حطيت شوية دهن كمبودي ورا اذاني وعند خشمي عشان مع الكلام تصير انفاسك عود وعلى فكره ترا هاذي الطريقه ماسويها يوميا اذا كنت في بيتي اذا مزاجي راق سويتها واذا كنت معزومه اسويها وعلى فكره ترا انا مصروعة تعطير ومن حبي للتعطر معي جيوب انفيه للاسف