تريدين لون كستاني لامع بمادة طبيعية جداً تفضلي

*·~-.¸¸,.-~*السلام عليكم ورحمة الله وبركاته*·~-.¸¸,.-~*

تريدين لون كستاني لامع بمادة طبيعية جداً تفضلي راه مجربها


أختي أنا لي أخت ديما تتعمل وصفات ناجحين لكن هذه المرة نقول ليكوم سر أختي لشعرها حيت هي تتموت على شعر الكستاني لكن أنا تنحب الأسود لهذا لم أجرب هذه الوصفة لكن نأكد ليكوم نتائجها روعه والله أخوتي تتعونوني بزاف بوصفاتكم لهذا أريد نوريكم هذا السر لي قليل من البنات لي ممكن إعترفو بيه
مني تسوليها تقول لونه هكا من عند ربي
طولت عليكم لكن أكيد متنساوش شي دعيوات مزونين لي وجميع بنات المسلمين وأختي أيضا مسكينه فضحت سرها
المهم
شري الحرمل تتعرفوه شريوه حمروه فوق الرحا لي تنطيبو فيه خبز لبطبوط عرفتو ومن بعد خليوه إبرد تم طحنوه متشريوهش مطحون أحسن شئ طحنوه لراسكوم زيدو لو لورد مطحون أيضا وزيت زيتون
جمعو هذه المقادير زدو ليهوم ماء دافئ
حلو شعركوم وديروه لشعر كيما تنعملو للحناء فالشعر
نخليوه شي ٥سوايع راه ريحتو رائعة لذيذ
مثلا عملوه مع صباح بكري كملي شقا الدار وفي المساء إذهبي للحمام غسلي راسك كرري هذه العملية مرة كل أسبوع غدي تشوفي لون شعرك تيتفتح وشعرك تيلمع ولي شافك تيقول أي على شعر
تنتمنى نكون فدتكم راه هذه الوصفة متميزة
أختي تتعملها شي ١٠ سنين لي شاف شعرها تيقول سبحان الله حيت كان شعرها خايب بكترت الصباغات ومقصف لكن دبا روعه